Kafedra haqida
“Filologiya” kafedrasi 2024–2025-o‘quv yilidan o‘z faoliyatini boshlagan. Kafedra filologiya va tillarni o‘qitish yo‘nalishida zamonaviy bilim va ko‘nikmalarga ega mutaxassislarni tayyorlash, talabalarning til bilimi, nutq madaniyati va kommunikativ salohiyatini rivojlantirishga xizmat qiladi.
Kafedrada filologiya, xorijiy tillar, o‘zbek tili va qoraqalpoq tili yo‘nalishlari bo‘yicha ta’lim berilib, zamonaviy pedagogik texnologiyalar asosida o‘quv jarayoni olib boriladi. Ilmiy-tadqiqot faoliyati, metodik ishlanmalar yaratish, ilmiy maqolalar chop etish, konferensiya va loyihalarda ishtirok etish kafedra faoliyatining muhim yo‘nalishlari hisoblanadi.
Talabalarning bilim va ijodiy salohiyatini oshirish maqsadida kafedra qoshida “CREATIVE ZONE” to‘garagi tashkil etilgan. Mazkur to‘garak talabalarning o‘qish, yozish va og‘zaki nutq ko‘nikmalarini rivojlantirish, til o‘rganishga bo‘lgan qiziqishni oshirish hamda ularni ijodiy va ilmiy faoliyatga jalb etishga xizmat qiladi.