Moliya va buxgalteriya hisobi kafedrasi

«Moliya va buxgalteriya hisobi» kafedrasi respublika xalq xo‘jaligi uchun moliya, soliqqa tortish, bank ishi va buxgalteriya hisobi sohalarida yuqori malakali mutaxassislarni tayyorlashga yo‘naltirilgan. Kafedra zamonaviy moliyaviy jarayonlarni chuqur tushunadigan, hisob-kitob va moliyaviy hisobotlarni to‘g‘ri yuritadigan hamda raqamli moliya tizimlarida ishlay oladigan kadrlarni shakllantirishga xizmat qiladi. Kafedrada talabalar kunduzgi va sirtqi ta’lim shakllarida «Moliya va moliyaviy texnologiyalar» hamda «Buxgalteriya hisobi» yo‘nalishlari bo‘yicha tahsil oladilar. O‘quv jarayonida nazariy bilimlar bilan birga amaliy ko‘nikmalarni rivojlantirishga, zamonaviy buxgalteriya dasturlari va iqtisodiy tahlil metodlarini o‘rgatishga alohida e’tibor qaratiladi.