Dasturiy injiniring va raqamli iqtisodiyot kafedrasi

Kafedra 2023-yilda tashkil etilgan bo‘lib, zamonaviy raqamli transformatsiya talablariga mos, chuqur texnologik bilim va analitik fikrlashga ega IT-mutaxassislar hamda raqamli iqtisodiyot sohasidagi yuqori malakali kadrlarni tayyorlashni maqsad qiladi. Kafedra qoshida “Raqamli dunyo iqtisodchilari”, “Yosh dasturchi” va “Kompyuter savodxonligi” metodik kurslari faoliyat yuritadi. Kafedrada ilmiy-innovatsion faoliyatni rivojlantirish, xalqaro hamkorlikni kengaytirish, ilmiy tadqiqotlar va innovatsion mahsulotlar yaratish, amaliy loyihalarni qo‘llab-quvvatlash hamda seminar-treninglar tashkil etish ishlari olib boriladi. Kafedrada 15 nafar ilmiy darajali professor-o‘qituvchi faoliyat yuritadi. Kafedra mudiri — pedagogika fanlari bo‘yicha falsafa doktori (PhD), dotsent Izetaeva Gulbaxar Keunimjaevna. Ilmiy salohiyat — 60%. Kafedra “Dasturiy injiniring” hamda “Iqtisodiyot (tarmoqlar va sohalar bo‘yicha)” bakalavriat yo‘nalishlariga xizmat ko‘rsatadi. Ustuvor yo‘nalishlar qatoriga zamonaviy ta’lim texnologiyalari, dasturiy ta’minot arxitekturasi, sun’iy intellekt, blokcheyn, Big Data, raqamli iqtisodiyot, IT-startaplarni qo‘llab-quvvatlash va ilmiy loyihalarni tijoratlashtirish kiradi.