Filologiya va tillarni o‘qitish kafedrasi

«Filologiya va tillarni o‘qitish» kafedrasi respublika ta’lim, madaniyat va xalqaro muloqot sohalari uchun tilshunoslik hamda adabiyotshunoslik bo‘yicha yuqori malakali mutaxassislarni tayyorlashga yo‘naltirilgan. Kafedra zamonaviy til o‘qitish metodikalarini chuqur egallagan, muloqot va tarjimonlik ko‘nikmalariga ega hamda raqamli ta’lim resurslaridan samarali foydalana oladigan kadrlarni shakllantirishga xizmat qiladi. Kafedrada talabalar kunduzgi va sirtqi ta’lim shakllarida «Filologiya va tillarni o‘qitish» yo‘nalishi bo‘yicha tahsil oladilar. O‘quv jarayonida nazariy bilimlar bilan birga amaliy til ko‘nikmalarini rivojlantirishga, zamonaviy pedagogik texnologiyalar va lingvistik tahlil metodlarini o‘rgatishga alohida e’tibor qaratiladi.