Maktabgacha va boshlang‘ich taʼlim kafedrasi

“Maktabgacha va boshlang‘ich ta’lim” kafedrasi 2024–2025-o‘quv yilidan o‘z faoliyatini boshlagan bo‘lib, maktabgacha va boshlang‘ich ta’lim yo‘nalishlarida malakali pedagog kadrlarni tayyorlashga xizmat qiladi. Kafedra tarkibida maktabgacha ta’lim, boshlang‘ich ta’lim hamda jismoniy tarbiya yo‘nalishlari bo‘yicha o‘quv jarayonlari tashkil etilgan. Ta’lim jarayonida zamonaviy pedagogik texnologiyalarni qo‘llash, metodik yondashuvlarni takomillashtirish hamda talabalarning ijodiy va kasbiy salohiyatini rivojlantirish asosiy maqsadlardan biridir. Kafedra professor-o‘qituvchilari ilmiy-tadqiqot ishlari, maqolalar chop etish, monografiyalar tayyorlash hamda ilmiy konferensiyalarda faol ishtirok etib kelmoqda. Talabalarning qiziqish va qobiliyatlarini rivojlantirish maqsadida kafedra qoshida bir qator to‘garaklar — “Kreativ pedagog”, “Yosh tarbiyachilar”, “Chevar qizlar”, “Voleybol” va “Tennis” sport to‘garaklari faoliyat yuritadi.