ITUda «Ta’sischi stipendiyasi» va «Rektor stipendiyasi» uchun hujjatlar qabuli boshlandi

Hurmatli talabalar! Innovatsion texnologiyalar universitetida «Ta’sischi stipendiyasi» va «Rektor stipendiyasi» tanlovlariga hujjatlar qabuli boshlandi. Hujjatlar 20-oktyabrga qadar qabul qilinadi. Tanlovda ishtirok etish istagidagi talabalar quyidagi hujjatlarni taqdim etishlari lozim: 1. Pasport yoki ID-karta nusxasi; 2. Obyektivka (ma’lumotnoma); 3. Transkript nusxasi; 4. Dekan tavsiyanomasi; 5. Kafedra tavsiyanomasi; 6. Ilmiy rahbar tavsiyanomasi; 7. Milliy yoki unga tenglashtirilgan xorijiy til bilish sertifikati (mavjud bo‘lsa); 8. Ilmiy yoki ijodiy ishlar ro‘yxati, ularning bosma nusxalari, elektron manzili va DOI raqami ko‘rsatilgan holda; 9. Ilmiy-ijodiy ishlar ro‘yxati 3.4-shaklda, ilmiy bo‘lim tomonidan tasdiqlangan holda. Hujjatlar universitet ilmiy kotibi tomonidan tasdiqlangan holda fayl jildda Iqtidorli talabalarning ilmiy-tadqiqot faoliyatini tashkil etish bo‘limi boshlig‘i Baynazar Kaipnazarovga topshirilishi kerak. Eslatma: Tanlovlarga hujjatlar 2-, 3- va 4-bosqich talabalari orasidan qabul qilinadi. Hujjatlarni belgilangan muddatdan kechiktirmasdan topshirishingizni so‘raymiz. Innovatsion texnologiyalar universiteti Matbuot xizmati