Innovatsion pedagogika fakulteti

Innovatsion pedagogika fakulteti 2024–2025-o‘quv yilidan o‘z faoliyatini boshlagan bo‘lib, zamonaviy ta’lim talablariga mos, malakali pedagog kadrlarni tayyorlashni maqsad qiladi. Bugungi kunda fakultetda 1700 dan ortiq talaba tahsil olmoqda va har yili ko‘plab bitiruvchilar bakalavr darajasiga ega bo‘lmoqda. Fakultet tarkibida “Filologiya” kafedrasi, “Pedagogika va psixologiya” kafedrasi hamda “Maktabgacha va boshlang‘ich ta’lim” kafedrasi faoliyat yuritadi. Fakultetda “Maktabgacha ta’lim”, “Boshlang‘ich ta’lim”, “Pedagogika va psixologiya”, “Pedagogika”, “Psixologiya (faoliyat turlari bo‘yicha)” hamda “Filologiya va tillarni o‘qitish” ta’lim yo‘nalishlari bo‘yicha ta’lim beriladi.