Innovatsion texnologiyalari va biznes fakulteti

Innovatsion texnologiyalar va biznes fakulteti 2022–2023-o‘quv yilidan boshlab o‘z faoliyatini boshlagan bo‘lib, bugungi kunda ta’lim, ilmiy va ma’naviy-ma’rifiy yo‘nalishlarda faol ish olib bormoqda. Fakultetda 1300 dan ortiq talaba tahsil oladi va har yili yuzlab bitiruvchilar bakalavr darajasiga ega bo‘lmoqda. Fakultet tarkibida quyidagi kafedralar faoliyat yuritadi: “Moliya va iqtisodiyot” kafedrasi, “Dasturiy injiniring” kafedrasi hamda “Tarix va ijtimoiy fanlar” kafedrasi. Ushbu kafedralar zamonaviy ta’lim talablariga mos ravishda turli yo‘nalishlar bo‘yicha malakali mutaxassislarni tayyorlashga xizmat qiladi. Fakultetda “Dasturiy injiniring”, “Moliya va moliyaviy texnologiyalar”, “Buxgalteriya hisobi va audit”, “Iqtisodiyot” hamda “Tarix” kabi ta’lim yo‘nalishlari bo‘yicha kadrlar tayyorlanadi.